ലഖ്‌നൗ സൂപ്പർ ജയന്‍റ്സിനെ നിർണായക പോരാട്ടത്തിനിറങ്ങുന്ന രാജസ്ഥാന്‍ റോയല്‍സ് ടീമിൽ സഞ്ജു സാംസൺ ഇല്ല. ഡല്‍ഹി ക്യാപിറ്റല്‍സിനെതിരായ കഴിഞ്ഞ മത്സരത്തില്‍ ബാറ്റിംഗിനിടെ ഇടതു വാരിയെല്ലിന് പരിക്കേറ്റ സഞ്ജു കളത്തിൽ നിന്നും റിട്ടയർ ഹാർട്ടായി മടങ്ങിയിരുന്നു. 19 പന്തില്‍ 31 റണ്‍സുമായി ക്രീസില്‍ നില്‍ക്കുമ്പോഴാണ് സഞ്ജുവിന്റെ മടക്കമുണ്ടായിരുന്നത്.
സഞ്ജുവിന് പകരം റിയാന്‍ പരാഗ് ആണ് ക്യാപ്റ്റൻ. രാജസ്ഥാന്റെ അത്ഭുത ബാലൻ വൈഭവ് സൂര്യവംശി സബ്‌സിറ്റ്യൂട്ട് ലിസ്റ്റിൽ ടീമിലുണ്ട്. താരം ഇമ്പാക്ട് പ്ലെയർ ആയി കളത്തിലിറങ്ങിയേക്കും. ഇതുവരെ കളിച്ച ഏഴ് കളികളില്‍ രണ്ട് ജയം മാത്രമുള്ള രാജസ്ഥാന്‍ പോയന്‍റ് പട്ടികയില്‍ എട്ടാം സ്ഥാനത്താണ്. ഇന്നത്തെ മത്സരത്തില്‍ ജയിച്ചാൽ മാത്രമേ പ്‌ളേ ഓഫ് സാധ്യത നിലനിർത്താനാകൂ.
Content highlights: Sanju Samson is not in team vs lsg; big lose for rajasthan royals